vefpostur 1

sendokkurpost 1

leyfi

Tölvunotkun

 

 

Tolvunotkun1

Nemendur Grandaskólanota tölvur reglulega á meðan þeir stunda hér nám. Hver
umsjónarkennari fer með sinn bekk í tölvuver eða fær tölvuvagna í kennslustofu og kennir nemendum á tölvuna og þau forrit sem henta hverjum árgangi skv. námskrá skólans. Sumir sérgreinakennarar nota tölvur með einstaka árgöngum.

Tölvur eru hugsaðar sem verkfæri til að skrá upplýsingar, miðill til að afla þekkingar og tæki til þjálfunar, sköpunar og miðlunar. Í námskrá kemur fram hvaða þátt er verið að leggja áherslu á í hverjum árgangi. Mikilvægt er að kennarar nýti sér þá möguleika sem felast í tölvunotkun í skólum.

Æskilegt er að í ritvinnslukennslu sé gengið út frá eigin sköpun nemendanna og að þeir vinni út frá eigin texta. Nemendur læra oft best þegar þeir vinna með efni sem tengist þeim sjálfum, s.s. ljósmyndir, eigin teikningar, sögur eða eigin upplifanir. Það sama á við um önnur notkunarforrit, s.s. word, Excel, Powerpoint, Publisher o.fl.

Kennarar ættu að reyna að samþætta tölvukennsluna eins og hægt er við aðrar námsgreinar. Nýta ætti upplýsingatækni eins og hægt er til kynningar á verkefnum nemenda t.d. þemaverkefnum. Huga þarf að eðlilegu vægi milli þjálfunarforrita og notkunarforrita. Þjálfunarforrit henta oft betur á opnum/sameiginlegum rýmum og í bekkjarstofu þar sem ekki er jafn mikil þörf á beinni kennslu. Leggja þarf frá upphafi fyrsta bekkjar áherslu á rétta líkamsstellingu og gæta að því á öllum aldursstigum. Í fyrsta, öðrum og þriðja bekk læra nemendur heiti á ýmsum hlutum tölvunnar og í öðrum bekk hvað sérlyklar lyklaborðsins heita. Leggja ber áherslu á siðfræði tölvunotkunar sbr. sérkafla hér á eftir.

Siðareglur í sambandi við tölvunotkun, tölvusamskipti og veraldarvefinn.

Framboð á efni í tölvutæku formi margfaldast með hverju ári og möguleikar til nýtingar í skólastarfi hafa stóraukist. Mikilvægt er að benda á hversu kærkomin viðbót Netið er í upplýsingaöflun fyrir bæði heimili og skóla. Það er hlutverk okkar sem kennara og foreldra að kenna börnum að nota upplýsingamiðla á uppbyggilegan hátt og kenna þeim að nýta þær upplýsingar sem þar er að finna í verkefnavinnu og til daglegra nota. Það er ekki hægt að sía burt allt óæskilegt efni því að á Netinu er að finna áróður og lygi sem erfitt getur reynst fyrir síur að finna. Við þurfum að velja það efni sem nemendur vinna með og kenna þeim gagnrýni á gott og vont efni. Einn þáttur í tölvukennslu er að nemendur skili verkefni á heimasíðu. Það að nemendur skili verkefni út á veraldarvefinn gerir það að verkum að allur heimurinn hefur aðgang að efninu. Þetta gerir ákveðnar kröfur til nemenda. Þeir sem eru vandir að virðingu sinni hugsa sig tvisvar um áður en þeir fara að birta alheim hugarefni sín. Nauðsynlegt er að benda nemendum á að þegar þeir eru að birta verkefni á vef þurfa þeir að gæta þess að geta heimilda. Einnig þarf að benda nemendum á að birta ekki of persónulegar upplýsingar um sig á vefsíðum. Einungis fornafn ætti að fylgja, hvorki símanúmer né heimilisfang. Tölvusamskipti milli nemenda er þýðingarmikill þáttur í skólastarfinu. Nemendur nota hvert annað sem heimildir í upplýsingaöflun, og þau hafa samskipti við ýmsa sérfræðinga í rannsóknarvinnu. Einnig eru tölvusamskipti mikilvæg í tungumálakennslu þar sem nemendur geta notað málið sem þau eru að læra og jafnvel haft samskipti við nemendur sem hafa málið að móðurmáli, sem er ómetanleg hjálp í tungumálanámi. En það er ýmislegt sem ber að varast í tölvusamskiptum. Nemendur þurfa að huga að því að það er einstaklingur sem tekur á móti póstinum/skilaboðum. Manneskja með tilfinningar og væntingar eins og þeir sjálfir. Það getur valdið ótrúlegum vonbrigðum ef sá sem er í samskiptum fær dónalegan og særandi skilaboð. Stundum koma upp mál í skólanum þar sem nemendur eru að senda slíkan póst eða skilaboð. Það sem kennarar geta gert er að brýna fyrir nemendum mikilvægi þess að vera einlæg, heiðarleg og kurteis. Benda skal nemendum á að alltaf er hægt að rekja úr hvaða tölvu slíkur póstur kemur, og að viðurlög eru tölvubann í ákveðinn tíma eftir samtal við foreldra. Nemendur ættu aldrei að gefa upp persónulegar upplýsingar, símanúmer eða heimilisfang.

Tölvureglur

Tölvustofan á alltaf að vera læst.

Nemendur eiga aldrei að vera eftirlitslausir í tölvustofu.

Nemendur vinna eftir fyrirmælum kennarans.

Nemendur slá inn notendanafn / leyniorð á net skólans.

Óheimilt er að reyna að tengjast tölvubúnaði skólans með öðru notandanafni en því sem notandi hefur fengið úthlutað.

Innsetning hugbúnaðar er bönnuð nema með leyfi kennara.

Allt fikt við uppsetningu tölvukerfis skólans og tilraunir til breytinga á því er óleyfilegt.

Ofbeldisleikir eru ekki leyfðir í tölvum.

Nemendur mega ekki nota Facebook

Nemendur mega ekki hlusta á tónlist í tölvutímum nema með leyfi kennara.

Nemendur prenta eingöngu skjöl með leyfi kennara.

Nemendur eiga að vista á heimasvæði nemenda á N drifi eða sameign á nemenda á S eða M drifi.

Ekki má nota séríslenska stafi í nöfnum skjala.

Nemendur sýni kurteisi í notkun tölvupósts og í gerð vefsíðna og gefi ekki upp persónulegar upplýsingar.

Ef tölvur eða tölvutengd tæki bila skal tilkynna það strax til tölvuumsjónarmanns.

Öll meðferð matvæla og drykkja er bönnuð í tölvustofu.

Í lok tímans ganga nemendur frá eftir fyrirmælum kennarans (loka öllum forritum), ganga rétt frá heyrnartólum og stólum og skrá sig út og slökkva á tölvunum (þ.e. í lok dags).

Slökkva skal á skjávarpa í lok tíma.

Kennari læsir tölvustofu að lokinni kennslu og skilur við hana eins og hann vildi sjálfur taka við henni.

Þessar reglur eiga við allar nemendatölvur skólans. Brot gegn þessum reglum getur leitt til lokunar á aðgangi að tölvuneti skólans og getur orðið að lögreglumáli, sé brotið alvarlegt

Tolvunotkun2

Prenta | Netfang

menntastefna

Heimasíða Reykjavíkur

          is round  en round pol round