Skip to content

Anna Sigríður Guðnadóttir ráðin sem skólastjóri Grandaskóla.

Grandaskóli 7. júní 2022

Í dag bárust okkur ánægjulegar fréttir frá Skóla og Frístundasviði Reykjavíkurborgar. Þar kemur fram að Anna Sigríður Guðnadóttir hefur verið ráðin sem skólastjóri Grandaskóla.

Anna Sigríður hefur lokið meistaragráðu í forystu og stjórnun frá Háskólanum á Bifröst (M.L.M gráða) og B.Eed. gráðu af grunnskólakennarabraut frá Kennaraháskóla Íslands með yngri barna svið sem kjörsvið.

Þá hefur hún lokið listdansaranámi frá Listdansskóla Íslands. Anna Sigríður hefur starfað sem umsjónarkennari, listgreinakennari og forfallakennari við grunnskóla en auk þess sem kennari og deildarstjóri grunnskóladeildar Listdansskólans.

Anna Sigríður starfaði sem aðstoðarskólastjóri í Grandaskóla í tvö ár en undanfarið eitt og hálft ár hefur hún starfað farsællega sem skólastjóri  í afleysingu.

Við óskum Önnu Sigríði áframhaldandi velfarnaðar í starfi og hlökkum til samstarfsins við öflugan hóp starfsfólks, foreldra og nemenda við Grandaskóla.