Skip to content

Skólasafn

Húsnæði
Skólasafnið er í stjórnunarálmu skólans og er um 150m² og tekur 32 nemendur í sæti.

Safnkostur
Alls eru 27223 bækur á safninu. Þær skiptast í 17066 skáldsögur/ljóð og 8740 fræðibækur. Einnig á safnið; 34 hljómplötur, 813 geisladiska  og 215 DVD diska.  Samtals eign safnsins er 26620 eintök. Meðalútlán síðustu ára er um 14000 eintök á ári og fara vaxandi.
Þess ber að geta að 5115 bækur hafa verið gefnar safninu og 3035 bækur eru frá Menntamálastofnun af úthlutunarkvóta.

Útlánskerfi
Öll útlán fara fram í GEGNI sem er alhliða bókasafnskerfi sem nær yfir alla starfsþætti safnsins.
1. Nemendur, kennarar og kennslustofur hafa útlánskort og þegar bók hefur verið valin er skanninn látinn lesa á kortið og síðan á bókina.
2. Þegar bókinni er skilað skal hún sett í hillu bekkjarins á skólasafninu, en kennarar setja bækur í kennarahillu.

Reglur
Aldrei er góð vísa of oft kveðin. Því leggjum við að kennurum að minna nemendur á þær reglur sem gilda á skólasafninu.

1. Öllum er frjálst að skoða og lesa bækur og tímarit á safninu.
2. Tökum tillit til annarra og göngum rólega um safnið.
3. Förum vel með bækurnar og önnur safngögn.
4. Við setjum safngögnin aftur á sinn stað í hillu eftir að hafa skoðað og lesið.
5. Útlánstími ætti ekki að vera lengri en einn mánuður.